《三一萬能俠》戰機模型終於到手，大家有睇開我地嘅模型開箱都知，我呢個素組派，手工又唔係特別好，所以如果一陣睇到成品唔靚仔，多多包涵！
包裝封面係幾靚嘅
好少會見到盒底都有印，難得
成個包裝最敗筆係側面警告字眼，好好地英文、日文咪型囉，段中文真係幾趕客。不過我地重點喺模型度，呢啲小事嚟。
官方宣傳都早見過佢地嘅盒內情況，所以對佢咁大盒但得半滿，我冇乜驚訝
終於到重點啦！分色分件係非常高質素，膠質仲非常唔錯
近鏡放大佢機體內部嘅組你，大家睇到佢非常精細
部份組件仲有隱藏水口設計
不過有啲水口唔只冇做隱藏，同時將水口位放喺啲曲面，冇考慮素組玩家或新手玩家群所砌成後嘅效果
以龍馬機 (飛鷹號) 嚟作素組示範，就咁睇的確非常靚仔！
透明部件可以令內部結構清晰可見
除左留意綠色嘅效果組件之外，大家可以見到佢模組紋理非常準確細緻
機尾兩個噴射器仲可以調校角度
機底都冇馬虎架！
可惜太多明顯嘅水口位，令成件完成品充滿瑕疵，但只要你非素組派、非新手就可以完全不用理會以上機身所存在嘅缺點
喺 Facebook 玩具群組已經有師兄玩到大改造，大家可以入去睇睇高手製作嘅效果 (相片來源：Ken Tan)
總括嚟講呢盒三一萬能俠戰機模型，明顯係比返啲會噴油、會改造，有返咁上下”實力”嘅玩家去享受製造過程，比我呢”齋啪”嘅玩真係可以講得上暴殄天物。不過我都有個建議，再有新產品可以考慮附送支架同噴射器嘅特效件，唔洗好似依家咁砌完就咁放喺枱面，浪費左件作品。
個支架我喺其他模型度拎出嚟用咋
阿九
打機 - 識少少；玩具 - 識少少；睇戲 - 識少少；動漫 - 識少少.....
買膠、派膠、分享膠！Only The Best Is Good Enough！
Lego Enthusiast //goo.gl/HRnxDW