近日Microsoft就宣佈《Quantum Break (量子裂痕)》成為 Xbox One 最暢銷嘅 Microsoft Studios 作品。
VJGamer 就有幸訪問到主角 Shawn Ashmore，除左《Quantum Break》之外，原來 Shawn 都係一個資深 Gamer，細個仲成日同佢孖生兄弟 Aaron Ashmore 一齊打機添。
VJ：最初同《Quantum Break》點樣開始？有咩特別原因令你想參與
《Quantum Break》？
Shawn：一直好欣賞 Remedy Entertainment，亦覺得《Quantum Break》劇本寫得好好，一開始收到劇本已經好開心可以參與《Quantum Break》主角。作為一個遊戲迷，一直都很喜歡 Remedy 出品遊戲，今次終於有幸可以合作。
VJ：咁你玩《Quantum Break》用左幾耐先？
Shawn：我用左一個週末已爆機啦！由星期五晚到星期日不眠不休地打，因為實在太好玩啦。
VJ：打得咁快，唔通細細個就打機打大？最愛嘅經典遊戲係邊款？
Shawn：細個同另外3個死黨一齊玩《Final Fantasy》， 一人做一個角色，一邊打機一邊同朋友分享同經歷，係最開心嘅回憶之一。
VJ：《Quantum Break》有咩要素令你咁鍾意？
Shawn：有兩個元素，首先是同主角 Jack Joyce 經歷點樣得到超能力同使用控制時間嘅能力。第二當然就係劇情故事非常引人入勝同刺激。
VJ：你對 Jack Joyce 有咩感覺呢？
Shawn：我覺得 Jack Joyce 真係一個好人，一個未經過軍事訓練嘅普通人，喺危急關頭仍然堅持自己道德信念，更遂步完成自己嘅使命。
VJ：拍攝過程當中有冇遇到咩困難或者挑戰？
Shawn：第一樣就係要著緊身衣，身上仲貼滿波波真真係好有挑戰性，非常唔習慣而且整個過程都感覺怪怪地！但從另一方面講 Motion-Capture 所受到嘅干擾較少，亦唔洗日日喺拍攝場地等 Set Up，某程度上對我嘅表演都提供唔少幫助。
VJ：咁你又覺得《Quantum Break》當中切實反映左你幾多嘅演技？例如面部表情、感情同動作等等。
Shawn：極之像真！同我真人作表演嘅動態同小動作都好真實，就好似我看著自己在螢幕中出現一樣。
VJ：演出一套電影與《Quantum Break》製作，最大嘅分別係啲咩？
Shawn：無論係用 Motion-Capture 抑或電影演出，其實都可以學習到一啲新事物，當然習慣左電影中演出所以舒服好多，而且動態、演員、服裝都是唔一樣。而以 Motion-Capture 拍攝，就需要擁有好大嘅幻想空間，可以思考點樣發揮自己嘅演技。
VJ：最後，如果你可以擁有一種超能力例如控制時間，又或者好似超人咁飛上天空，你又會選擇一樣咩超能力呢？
Shawn：我希望可以瞬間移動，就好似 Nightcrawler(黑丑) 咁由一個地方轉到另一地方！
雖然《Quantum Break》到依家評論都兩極，但大家都認同當中故事絕對一流，如果大家喺呢個期間冇 Game 玩，絕對可以一試。