之前都有資料流出過，話 IBM會研發《刀劍神域Online》現實版咁話，當初我見到都覺得就算真都無咁快有野睇啦，點知早幾日官方介紹影片出咗，條片由宣傳到玩既過程都有收錄！我要叫人幫我頂10秒啦喂！

係片入面睇到，主要係採用 VR裝置實現虛擬世界，距離動畫入面所描述既完全潛行有一段距離。原作中《刀劍神域》玩家戴上 NERvGear 後，系統會讓電腦與玩家腦部連接，將虛擬世界既反應數據傳送返大腦，令到玩家可以「完全潛行」，就同現實世界一樣可以係遊戲中控制虛擬既身體。

現實版 NERvGear

根據官網描述，機台除咗VR裝置之外仲設置咗「Leap Motion」、「Kinect」、「OVRVISION」、「9軸 Sensor」呢幾樣主要設備，感應度既細緻程度連手指，大步走，小步走，步行呢類動作都可以分辨到。其實都幾令人期待！

經典潛行畫面

終於可以體驗咁樣開 Menu啦！

似乎係有得用返自己樣 (邊個玩Online Game會用自己樣阿……)

星爆氣流斬！

回歸返現實層面，咁高科技既野，個價一定好誇張……而且撇除價格，咁大部機我諗無乜邊幾個人屋企擺得到，機舖入既話……你呢類有體感動作最好睇既不嬲就唔係遊戲畫面，而係玩緊果個人架啦…..無返咁上下恥力真係唔夠膽上去玩，我地都係將希望擺係完全潛行面世既一日啦…..

茅場晶彥？

原作者有份參與