一見克蘇魯神話相關嘅遊戲，大家多數都估佢係解迷、冒險或者驚嚇射擊類型。如果係開放式世界求生加克蘇魯神話背景有冇啲新鮮感？

《Dead Static Drive》當中玩家喺美國嘅公路上偶然遇上奇怪事件，到處出現奇怪生物，你一邊駕車逃離危機同時又要收集不同物資繼續上路。喺途中會同其他生環者相遇，你會選擇將你僅有嘅資源同佢地分享？定係殺晒所有人再搶走佢地嘅維生物品？

聽完大家會問「咁關克蘇魯神話咩事？」原來遊戲製作團隊 Team Fanclub 負責人 Mike Blackney 喺開發時候就以經將呢隻遊戲稱之為《Grand Theft Cthulhu》，原意係將克蘇魯神話加埋《GTA》嘅遊戲概念而生嘅作品，後尾再加入生存同收集元素就變成依家嘅《Dead Static Drive》。

《Dead Static Drive》如無意外將會喺今年內發售，暫時只有 PC 同 Xbox One 平台有得玩。