之前咪有隻騎呢外科手術遊戲《Surgeon Simulator》，上年落 Nintendo Switch 之後又再成功引起一片熱潮。呢隻痴線 Game 喺上星期正式發表續集《Surgeon Simulator 2》，最令人興奮嘅係今集支援四人連機，可以同朋友齊齊「醫人」！

《Surgeon Simulator》（外科手術模擬器）於 2013 年推出，名就改到勁懶係專業咁，但實際遊戲內容都係搞笑同虐待病人。而遊戲最出名果樣野係騎呢既操作同「神級」物理引擎，結果玩果陣啲畫面的確係嘅治癒。另外遊戲中會出現各式各樣病人，好似外星人甚至係侵侵都會有，黎到今集又會有咩特別人物登場亦係好值得期待。

今次《Surgeon Simulator 2》宣傳片見到玩家所扮演嘅外科醫生將增至四人，亦即係手術室現場應該會直接變為「驗屍」（老實講真係好難唔搞事……）。遊戲預於 2020 年上市，暫時已知對應平台為 PC（Epic Games）。