壽屋依家真係越玩越細，Hexa Gear 呢個 1/24 嘅系列推出後，Frame Arms Girl 都玩埋 1/24 咁細嘅比例。個零月前試玩過佢地第一隻嘅「Hand Scale ハンドスケール」掌上少女 轟雷，素組都靚靚女女，面相都印埋比玩家，而且全身廿幾組關節，擺咩 Pose 都冇問題！

如果啲水口位再收埋啲就完美啦

黎緊 2020 年 5 月終於有第二款嘅掌上少女 イノセンティア 祈仙蒂亞，雖然冇轟雷咁多武裝配件，但係佢勝在有雙表情之餘，仲有埋大家最開心嘅貓耳比玩家替換。

掌上少女 イノセンティア 祈仙蒂亞 下年 5 月正式發售，官方定價 2500 円(約港幣 $179)。而初回限定仲送膚色手腳部件，不過暫時見官圖就只係原色手腳同模換返膚色，所以腳掌並冇做到腳趾。最終會唔會比返啲「腳趾」玩家，咁就要睇壽屋官方實物展示嘅時候先有定案。

資料來源：KOTOBUKIYA