又有一隻新嘅恐怖冒險遊戲，呢隻《Underworld Dreams》以知名超自然小說《The King in Yellow》為藍本，由西班牙獨立遊戲團隊 Drop of Pixel 製作。並且喺早前正式公開本作嘅預告片段，氣氛同解謎部份感覺不錯。

《Underworld Dreams》為恐怖冒險遊戲，採用第一身視點。遊戲以知名超自然小說《The King in Yellow》為藍本，小說中同名劇本《The King in Yellow》封面上有一個「黃衣之印」，凡係初次見到呢個印記並了解其意義的人將會喪失理智。

玩家於遊戲中會扮演主角 Arthur Adler，佢無啦啦比人屈做謀殺犯，為咗洗脫罪名於是佢就返故居 Groc House 度搵線索，但屋中已經滿佈各種怪物以及不明恐怖現像。所以玩家要一邊探索一邊戰鬥 同解謎，當然探索過程中會搵到各種道具同武器，去幫助自己渡過難關。

《Underworld Dreams》氣氛營造不錯，謎題亦似乎有返啲水準，不過畫面就頗爛下，直逼 PS2 水平。遊戲定於 2020 年第一季推出，由 Nintendo Switch 獨佔。