於 2019 年 7 月 26 日發售嘅 Switch 專用遊戲《火焰之紋章～風花雪月》市場反應超過預期！根據任天堂於 10 月 31 日發佈嘅《2020 年 3 月期 第 2 四半期 決算短信》中期報告，遊戲嘅全球銷售量已超過 220 萬本，並獲得海內外一致好評。
當中日本國內銷售量為大約 48 萬份，海外銷售量為大約 182 萬份，比起前作《火焰之紋章～覺醒》（190 萬份）以及《火焰之紋章 if》（160 萬份）絕對不負期望，交出一張漂亮的成績單（以上數字來自「任天堂公式 2017 年 3月期經營方針説明會」）
《火焰之紋章～風花雪月》係今年編輯部強烈推薦嘅遊戲之一。對一個 Gamer 黎講，《風花》作為文字型探索戰棋遊戲，其多彩嘅人物性格以及令人難忘嘅劇本，各樣元素都表現良好。
對一個香港人黎講，《風花》裡面三個角色勢力，或者都代表左我地每個人選擇行出去嘅部份心情，例如係筆者早前為遊戲寫遊玩感想，對於庫羅德線嘅體會……：
金鹿線係令我感受最深的。庫羅德無得選擇自己嘅命運，但佢亦唔係想一統天下做霸主，佢只係想守護好自己嘅家，想自己同埋伙伴們生活安居。
但係，其他勢力嘅侵攻，步步進逼，自己除左企出黎，已經無其他選擇。行出黎，就要有對抗嘅覺悟，因為，理念，是很難去共存的；活在其他勢力的陰霾下，當然亦唔會有真正的自由。
如果你仲未入手《火焰之紋章～風花雪月》，遊戲可以用 Nintendo Catalog Ticket 購買，強烈建議各位朋友入手日版實體、或者直接網上購買數位版，因為中文字幕係直接對應機體語言的，一蚊不落藍店袋！
附上筆者早前嘅遊戲感想全文：
【遊戲感想】世上沒有一場不流血的革命！為了理想而戰《火焰之紋章～風花雪月》本年度最佳遊戲之一
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。