日本文化為左向年輕人推廣，喜愛與大熱動漫作品合作成為近年常態，今年適逢係《刀劍神域（SAO）》十週年，Aniplex 同 A-1 Pictures 合作，推出「京友禪」京都風和服姿態嘅亞斯娜 Figure，造型為《SAO》「ALO」篇嘅藍髮版本。

模型比例為 1：7，附有可拆卸半透明精靈羽翼組件；為左配合宣傳，官方仲搵黎亞斯娜聲優戶松遙小姐穿上版型一樣嘅和服，去同模型合照：

其實今次活動既為慶祝《SAO》10 週年，同時亦為京都為本土文化做推廣，和服係日本職人技以及歷史傳承嘅重要一環之一，所以早前亦將戶松小姐身上嘅和服作展出之用，希望令年輕一代對和服嘅美學感到興趣。

模型即日起開始預購，預購日去到 2020 年 2 月 9 日，而正式發貨日預計為 2020 年 9 月，定價為 日元 15,800（連稅）。有興趣預購嘅朋友可以【按這裡】。