距離《仁王》推出已經接近三年，KOEI 早前宣佈將在 2020 年推出《仁王 2》，今次 TGS 2019 我地就有機會試玩遊戲最新一個 Demo「本能寺篇」，以及聽到更多黎自遊戲製作人嘅分享。

試玩最新篇章「本能寺」

《仁王 2》裡面，允許玩家更加靈活自在地去自訂角色，而另一個值得留意嘅地方，就係與上集唔同，今集支援「三人連線」而唔係只能夠二人協力，玩家只要到遊戲中嘅「義刃塚」就可以進行連機。

自訂角色

不過戰鬥方面難度似乎就比上集再為降低，由於今次玩家係「擁有妖魔化」能力嘅人，所以「妖魔化」後嘅攻擊力對敵人造成嘅傷害值其實頗高，部份頭目敵人都唔算難打，假如係特別追求遊戲難度嘅玩家，或者未必會對《仁王 2》嘅難度感到滿足。

作為一個動作遊戲，《仁王》提供大量種類武器供玩家選擇，但係黎到《仁王 2》，重點攻擊模式就比較傾向「玩家儲氣、然後出妖魔化技能」咁樣，到底呢個新變化，係會令遊戲變得更有趣，抑或令到玩家感到單調，就要等到新 DEMO 或者正式版推出時先會知曉了。

而喺試玩過程入面，編輯部亦認為遊戲嘅視點有改善空間，因為今次遊戲有頗多戰鬥，發生於窄小空間入面，如果視點做得唔較細緻，好多時就會產生「卡住」嘅狀態。

至於新登場角色方面，今集無左上代主角威廉，不過新增兩位日本演員「竹中直人」以及「波瑠」加入遊戲。

《仁王 2》即將於 2019 年 11 月 1 號推出 Beta 版本供玩家試玩，Beta 開放期為十日，有興趣嘅玩家記得留意。