世界各地警察執法都有一定嘅指引，香港啲「驚謊」就似乎唔多識，如果你身邊有啲「驚謊」朋友，可以介紹呢隻《Police Stories 警察故事》比佢地補下課。
《Police Stories 警察故事》係一隻俯瞰式動作射擊遊戲，玩家扮演住John Rimes 同 Rick Jones 呢兩位警員去搗破唔同嘅案件，而遊戲中當然主張用唔同嘅裝備依例執法並且以最低武力去完成案件，例如開槍示警或者快速拘捕犯人。你亦可以選擇拎支散彈見人自首投降照開槍，不過記住咁做之後係會有負面評價或以及 GameOver。
《Police Stories 警察故事》除左有線上多人合作之外，最特別係每次任務中嘅犯人、人質、證物等等都會隨機放置，重玩嘅時候亦有住新鮮感！
9 月 19 號就會喺 Steam 同 Switch 度上市，依家大家亦可以喺佢地官網 Download 落嚟喺電腦試玩，PS4 同 Xbox One 嘅玩家可能要等多等啦！
阿九
打機 - 識少少；玩具 - 識少少；睇戲 - 識少少；動漫 - 識少少.....
買膠、派膠、分享膠！Only The Best Is Good Enough！
Lego Enthusiast //goo.gl/HRnxDW