Dragon Quest Heroes  勇者無雙，第1集其實做得真係幾好，而且仲有埋中文簡直就正正，但係完全諗唔明點解今時今日都唔出 Co-op，明明當初公佈果陣個個都勁期待協力，點知出咗黎得單打 Sosad。不過好在今次第2集《雙子之王與預言终結》終於加返4人連線啦！驚喜唔止咁，今集係可以『跨機種』！而且追加埋新既轉職系統，同埋將會有免費DLC追加。

上面條8分鐘新片入面展示咗超巨型大佬，另外一個超勁賣點就係星級聲優陣！上集已經有既仲有既「中川翔子」之外，有「水樹奈々」、「釘宮理惠」、「森山未來」、「武井咲」、「悠木碧」、「日笠陽子」等等(痴線咩陣容黎)！

遊戲會於5月27日推出，有PS4/PS3/PS Vita版本，中文版就未有資料會係幾時出，希望可以同步啦，我寫完都好想玩阿阿阿阿阿阿！

目標成為世界第一既商人
特魯尼克

聲優：茶風林

登場遊戲:《勇者鬥惡龍IV-被引導的人們》

武器：算盤

夢想係建立一間世界上首屈一指武器屋，收藏著大量古今中外道具古董既武器商人，因為想搵「傳說中武器」，所以無論幾深既洞穴或者幾危險既迷宮都會去，甚至無懼飛去異世界打魔王，簡直係最強商人。

預言未來占卜師
米妮亞

聲優：澤城美雪

登場遊戲:《勇者鬥惡龍IV-被引導的人們》

武器：塔羅牌

世界知名既占卜師，舞姬瑪利亞妹妹，性格沉實冷靜。非常擅長利用水晶球同塔羅牌進行占卜，《勇者鬥惡龍IV-被引導的人們》裡面勇者多次依賴佢既預言。

高傲大小姐
瑪麗貝爾

聲優：悠木碧

登場遊戲:《勇者鬥惡龍VII-伊甸的戰士們》

武器：回力標

生活係故鄉小漁村，但係出身於富裕家庭既大小姐，萬千寵愛在一身，所以亦都養成臭寸既性格，公主病患者，但係其實心地善良，因為旺盛既好奇心，而亂入異世界大戰。

狼之子
卡邦

聲優：田村睦心

登場遊戲:《勇者鬥惡龍VII-伊甸的戰士們》

武器：爪&狼

擁有超人運動能力，繼承咗「傳說中的白狼」稱號，因為狼養大所以成日同狼一齊行動。除咗運動能力之外，五觀感覺都相當敏銳，對敵人氣息同埋美食都相當敏感。

流浪武鬥家
哈桑

聲優：安元洋貴

登場遊戲:《勇者鬥惡龍VI-幻之大地》

武器：拳套

流浪各國進行武道修行既武鬥家，性格豪爽，典型用肌肉思考類型，純以力量去解決問題。故事中除咗擔任著衝鋒角色外，亦都係一位搞笑角色，成日都想成為勇者，但係一諗到要學魔法之後_縮

不羈聖堂騎士
古古魯

聲優：細谷佳正

登場遊戲:《勇者鬥惡龍VIII-空與海與大地與被詛咒的公主》

武器：弓

聖堂騎士團員，但係因為係靚仔一名(定咸濕仔？)，比起於侍奉神，落Pub夜夜笙歌對佢黎講先係重點。而且只要見到有靚女就會忍唔住搭訕。不過咁，佢都係堅守騎士道精神既一個在花花公子。

新怪物五種

呢五隻應該係可以比玩家召喚既新怪，特性就未有啦，睇相算吧啦