電競文化越黎越普及，睇電競比賽慢慢成為年青人喜愛活動，不過大家平時睇比賽多數都係齋坐係度睇，又或者去酒吧觀賞。不過好快將會打破呢個定律，因為首間大型電競餐廳「大快活電競」將於 7 月 10 日正式開幕，內設六大區域，完美地融合睇表賽、食飯、打機、飲酒、直播於一身！
「大快活電競」由九龍電競館與大快活聯手打造，屬全港首間綜合電競、串流直播、內容分享等的電競快餐綜合館。佔地萬三呎，包含有主舞台、用餐區、競吧 KE Bar、直播區、電競區、多用途房間六大區域。當然如果閣下淨係想入去買飯都無任歡迎的。
大快活梗係有一般用餐區，而且裝潢比起一般大快活感覺更潮
一入餐廳最令人眼前一亮嘅就係一字排開嘅主舞台，據了解台上設有 10 台電競對戰電腦及設置配備，可進行五對五的電競賽事，而且同用餐區鄰接，選手與觀眾可以有更強嘅互動，的確係坊間少見。
而舞台前嘅大型電視將會同步播放各選手屏幕畫面，可全天候觀察心儀選手遊玩過程，有別於平時睇直播只能觀看單一畫面弊病，加強各位親臨現場觀看比賽嘅理由。而非賽事時段則會播放不同內容，例如新聞及電競消息等。
好多時大家睇完比賽，意猶未盡但係人地要收場，就算想同朋友討論都無計，局住走。但係「大快活電競」就有考慮到呢個層面，場內設有「競吧」提供六款本地手工啤酒，供大家一邊飲酒一邊傾計，同時亦係九龍灣區內罕有營業至午夜12時的酒吧。
除咗「競吧」之外，大家睇完比賽相信都會技癢想打返幾舖機。場內電競區設有25台專業電競對戰電腦配套，所有電腦均配置高效能獨立顯示卡及電競級螢幕，最正嘅係大家玩到餓的話，只要掃描座位上嘅 QR code 就可以落單，然後仲有專人送上美食，直頭係皇帝式享受！
場內嘅電腦硬件頗強，而且有用上 BenQ Zowie 電競屏幕等專業電競品牌產品
專人送餐服務，好想知如果你一直唔食嘅話，個職員係咪會一直企喺度等你
特別一提嘅佢地特別為餐廳開發咗一個手機應用程式「REES for Gamers」，除咗點餐外，仲會提供最新電競資訊及電競賽事直播，以及玩家約戰功能。同時喺「大快活電競」入面嘅食客同玩家仲可以即場參與場內定期舉行嘅電競比賽，勝出者更有機會贏得豐富獎品，好似電競 Gear 又或者豉油皇雞髀、粒粒紅豆冰等，真正又食又拎。
輕鬆落單
「大快活電競」六大區域簡介
主舞台
主舞台設有10台電競對戰電腦及設置配備，由九龍電競館提供專業電競比賽場地及交流平台，培育香港電競人才。對戰台前方安裝了10部LED高清電視，舉辦電競賽事時播放比賽畫面及選手資料等，營造緊張及熱烈的比賽氣氛，是熱愛電競的玩家的聚腳之地。
用餐區
與主舞台相連的用餐區提供164個座位，設有多部高清大電視，非賽事時段會播放不同內容，例如新聞及電競消息等，供食客欣賞。座位亦設有充電設備，邊用餐邊玩手機遊戲也不怕電話沒電！九龍灣打工仔以後多一個午膳選擇，把握短短的午膳時間在「大快活電競」食飯兼打機，為自己叉叉電！
競吧 KE Bar
在九龍灣放工或朋友聚會過後想找個地方飲一杯、輕鬆一下？現在「競吧」作為區內罕有由下午五時營業至午夜12時的酒吧，提供六款「黑鳶」本地手工啤酒，讓大家開懷暢飲，甫踏進此區即感受到與其他區域不同的懷舊工業風，以後夜晚就多一個地方與朋友享受歡樂時光！
直播區
機會嚟喇！如果你都有一個做直播的夢想，但又無從入手，不妨來「大快活電競」踏出追夢的第一步。直播區設有三間不同大小、配備自助直播設備的房間，為你準備了高質攝影器材及完美燈光，一次過可容納三人同時進行直播，讓一眾直播主可以獨立或相約進行直播。可容納1-2人的小型房收費為每小時$200(金會員價)或$250(普通會員價)；而可容納3人的大型房收費為每小時$350(金會員價)或$400(普通會員價)。
電競區
專業的電腦配備及舒適的電競椅為玩家帶來刺激好玩的遊戲體驗，可舒舒服服邊食邊玩！在電競區的玩家亦可透過掃描座位的QR code於網上落單，輕鬆等待專人送上美食，爭取每分每秒享受遊戲樂趣。單人位置每小時只需$15 (金會員價)或$20(普通會員價)，即可舒舒服服邊食邊玩！
多用途房間
以霓虹燈營造未來科技感的多用途房間可容納超過50人，設有85吋大螢幕、化妝間及儲物間，可供舉辦不同活動，包括藝術展覽、產品發佈會、粉絲見面會甚至生日派對！設備齊全的多用途房間為年青人、團體、藝術或商業活動在九龍區提供多一個好選擇。場地只需$2,888/天(會員價或非會員價)即可以於中午12時至午夜12點期間租用。
「大快活電競」
開幕日期：大快活餐飲服務 – 7 月 10 日(星期三) 早上 7 時 30 分開始供應、「大快活電競」電競區 – 7 月 12 日(星期五)中午 12 時開始正式營業、大快活電競於 7 月 11 日(星期四)下午 2 時後暫不營業。
直播區收費：可容納 1-2 人的小型房收費為每小時 $200 (金會員價) 或 $250 (普通會員價)；而可容納 3 人的大型房收費為每小時 $350 (金會員價)或 $400 (普通會員價)。
電競區收費：單人位置每小時只需 $15 (金會員價)或 $20 (普通會員價)
多用途房間收費：只需 $2,888 /天(會員價或非會員價)即可以於中午 12 時至午夜 12 點期間租用。
地址：九龍灣國際展貿中心地庫１樓
營業時間：電競區 – 中午12時至午夜12時、用餐區 – 上午7時半至午夜12時、競吧 – 下午5時至午夜12時