香港地雖然大家間屋唔會話大得去邊，但因為屋宇結構普遍都係多牆多彎曲位，所以好多時 WiFi 無辦法去到家中每個角落。因應呢種情況，各品牌都推出自家嘅延伸路由器（延伸二個字，原來除咗應用喺手臂外，仲可以用喺 WiFi 上面）。不過原來市面上大部份嘅延伸路由器仲係使用緊舊式星狀或樹狀網路架構，效能上比起新式嘅 MESH 網路較為遜色。而今次介紹嘅 NETGEAR Nighthawk EX7700 正正就可以超簡單方式，升級屋企 WiFI 做 Mesh 網絡！

舊式星狀或樹狀網路架構係現時最常見嘅 Wi-Fi 無線網絡系統，佢地嘅架構簡單講就係由一個中央存取點（多數都係指 WiFi Router），將資料封包由中央存取點接收，再轉送到無線客戶端。而市面一般訊號延伸器只係同 WiFi Router 建立連線，並延伸訊號，並唔會同其他裝置溝通。所以係呢種架構下，WiFi Router 係整個網絡嘅中心位置，所有嘅有線、無線連接都要通過隻 Router 處理，負擔非常之大。（再加上大部份用家都只會買比 Router 低一個檔次嘅產品，速率當然進一步降低）

星狀、樹狀、Mesh 網絡圖解

而新一代 Mesh 網狀網絡，就無中央存取點呢樣野，佢嘅架構係由兩個或以上嘅存取點組成整個 WiFi 系統，存取點之間仲會互相連接。而各無線客戶端（即係電話、iPad 之類）會依訊號強度、距離等因素，去自動最佳嘅存取點。而 NETGEAR Nighthawk EX7700 就有專利 FastLane3 技術，可同步發射 2.4GHz / 5GHz / 5GHz 三頻網絡信號，總頻寬達到 AC2200 等級，其中一組專門用作延伸信號傳輸使用，不會影響實際上網效能。

當然就咁講好似好抽象，但現實中已經有唔少使用中嘅例子。台北市嘅「Taipei Free」台北公眾區免費無線上網，就係用咗 Mesh 網狀網絡技術，將訊號由多個連接點之間一個接一個咁傳送。另一個類近嘅例子就係唔少朋友都好熟悉嘅 APP「FireChat」，原理上同 Mesh 網狀網絡技術一樣，將大家嘅手機連接成為一個大型網絡，所以即使無數據嘅情況下依然可以發送訊息。

「Firechat」都係用類似技術構成 Mesh 網絡

咁實際用起上黎又點呢？

以前要設定 Mesh 網狀網絡係非常困難的，不過 NETGEAR Nighthawk EX7700 喺設定上係超級簡單。用 WPS 配對方式只要撳下機身個 WPS 鍵，再撳下隻 Router 粒 WPS 鍵就會自動連線，簡單到自己都驚。

如果要手動設定其實都好簡單，用手機連接指定網址，跟住指示同樣好快搞掂，實際測試下唔洗五分鐘就搞掂。而且官方標明支援任何品牌路由器，唔洗擔心用唔用到。

機身顯示燈

機身預設直立擺設，實際用起上黎非常慳位

效能黎講，本身屋企用緊 A字頭牌子訊號延伸器，轉做 EX7700 升級做 Mesh 網路之後，本身 Network 唔到、收得唔好嘅地方，瞬間解決，真心 Feel 到咩叫「唔同 Level」。而且官方最近做緊大特價，NETGEAR Nighthawk EX7700 做緊 $859 一隻，同你買隻 HomePlug 差無幾，呢啲位我諗大家識揀啦！

未 Set 好 EX7700 之前，Wifi 訊號收唔滿兼訊號不穩定，玩星矢都成日要 Load

Set 好後，同一位置 Wifi 訊號收爆，兼且幾晚都 Keep 住穩定順暢，完全返唔到轉頭

NETGEAR Nighthawk EX7700 三頻 WiFi Mesh Extender 延伸路由器 購買傳送門