《隻狼：暗影雙死》、《DMC 5》呢二隻動作遊戲自推出後都大受歡迎，有趣地二者都有一個共通點，就係二隻遊戲既主角都係使用義肢既殘疾人士。當然尼祿同隻狼佢地二位既義肢有相當大既分別（不論功能定係威力），但係無可否認地二位既義肢都異常強大，而呢個特點為殘疾玩家帶黎另一層意義。

根據外媒 TheGamer 報導，外國一位玩家 John Magnum 係四年前因為感染而失去咗一隻腳，成為殘疾人士。係遊玩《隻狼：暗影雙死》時，見到主角隻狼即使失去咗一隻手，利用義肢仍然發揮到驚人既能力，令佢覺得義肢並非只係裝飾品，同時令佢感到截肢者並非只有絕望。

令一位受訪既截肢者 Angel Giuffria，佢係一位截肢活動家同女演員。佢表示作為一名截肢者，令佢聯想有能力做到遊戲入面既呢啲動作，呢點真係好有型！而且係《隻狼：暗影雙死》、《DMC 5》入面所有既義肢同道具佢每一樣都非常喜歡，所以佢要收集晒佢地。因為呢啲義肢令到佢可以選擇做一啲其他人做唔到既野，對一個殘疾人士黎講呢啲並唔係常見既事。

有趣既係，Angel Giuffria 話佢有一隻日常用既義手，係唔同活動中使用，例如射箭咁，但係為咗配合不同活動所以有一袋配件。呢點就同《隻狼 暗影雙死》入面既義手一樣，令佢覺得遊戲係某程度反映出佢既日常生活。

文末仲訪問咗 Northwestern University 既副教授 Arun Jayaraman，專門做義肢方面既研究。佢表示現時已經有好多唔同類型既義肢技術發展中，其中一個範疇就係為士兵們提供更強既作戰能力，雖然唔會話好似遊戲入面咁強，但係要將義肢武器化並無大家想像中咁困難。而且現時科技發展令到產品做得越黎越精細，邊個知道十年後會發生咩事，相信到時一眾截肢者亦會得到更好既支援。

武器化，即係咁？