唔講可能冇乜人留意中國有兩隻大熊貓將會「定居」丹麥哥本哈根動物園新落成嘅熊貓館 (Panda House)，兩年前開始興建嘅呢個熊貓館成個設計就以「陰陽」去做主題，兩隻大熊貓星二同毛笋過幾日 (11 號)就會正式同公眾見面。

聽落唔關 LEGO 事呢？其實如果你真係去開丹麥哥本哈根旅行睇唔睇熊貓都會去 LEGO Store 嘅，你就可以欣賞到以下呢個 LEGO 版熊貓館。

Panda House By Emil Lidé aka Full Plate

其實呢個 LEGO 版本嘅熊貓館係 Emil 受哥本哈根動物園以及當地 LEGO Store 邀請製作，而且呢個版本可以話同實景有嘅都砌返晒出嚟。而且熊貓館原設就係一個陰陽圖案加上高低交錯嘅設計， Emil 都話要喺冇太多支柱支撐嘅狀態下穩固地製作上層嘅行人路係非常高難度。

足足搞左個半月，用左過萬塊去砌成，而且唔係得外表，就連館同細節都一應俱全。

不過就算大家去唔到睇實物都唔緊要，因為 Emil 佢嘅個人作品網站都有好多教覺好值得鍾意砌 LEGO 嘅朋友參考，尤其係砌開街景嘅玩家們，如果想砌啲花草樹木去美化條街的話，記得去下面嘅傳送門睇睇啦！

Emil Lidé 個人作品網站傳送門