自從上年新《侍魂》條片見街，一眾格鬥迷相信都會同我一樣，覺得「SNK終於有返隻似樣既 Game 見人啦」，但係距離正式推出都仲有一段時間。咁啱今日全球最大型格鬥比賽 EVO 2019 正式公布賽事項目及舉辦日期，然後係主要九個比賽項目入面驚見新《侍魂》（SAMURAI SPIRITS）榜上有名，認真利害！

EVO 係每年都會舉辦既格鬥界盛事，會選出最受玩家歡迎既遊戲項目進行比賽，而每次舉辦都會吸引全球高手前往參與。既然入選得做正式比賽項目，咁隻遊戲就一定要有返咁上下質素，雖然新《侍魂》就要今年夏天先會推出，不過做得 EVO 參賽項目，相信隻 Game 都唔會衰得去邊。

EVO 2019 主要比賽項目

唔知係咪為咗配合 EVO 公布，新《侍魂》係日前放咗條新片出黎，係片中見到不論畫面、打擊感、人設都有返咁上下水準，起碼霸王丸無走樣先啦！（回望 KOF XIV 隻 Robert……）

《侍魂》將於 2019 年夏天推出，對應平台 PlayStation 4 / Xbox One / Nintendo Switch / PC。