有養貓嘅朋友，唔知你地有冇幫主子偶爾換下頸圈或者戴下飾物咁樣？如果下年過年前你想幫主子換新裝，又如果你鍾意《Pokemon》，咁今次呢個新貓帽系列應該好中你地口味！

曾經推出唔同種類貓帽嘅「奇譚 Club（キタンクラブ）」會社，宣佈將於 2019 年 1 月 12 日推出《Pokemon》聯乘新商品，一共六款，代表六隻唔同嘅小精靈，細部圖如下：

貓帽綁繩大小約為 28〜29cm，相信大部份嘅貓主子都用得到；而呢間公司嘅貓帽喺現時點、信和唔少玩具店都有販售，如果你有興趣入手，記得到時去留意下啦！