入過dark zone 就係好戰友？我諗一定唔只既～

如果你試過，同人組隊入，自己刷到金裝，然後被人莫名其妙踢出隊，再被三個人圍攻戰死，唔只支金槍，係連幾條鎖匙都跌埋個陣，我諗你心入面只餘下怨恨，怨恨呢個社會，怨恨呢個世界，怨恨現實點解連遊戲空間都係爾虞我詐。

今日梗唔係同你講攻略，而係同你講價值，講取捨。

有邊個毒撚唔想睇女？有邊個毒撚唔想夜闌人靜既時候，有個女仔係你面前著住件就快甩既泳衣，係度碌下碌下咁？你聊佢兩句，佢又會第二朝早同你出去打波波，你甚至睇得出既係，隨住你同佢相處日久，曬太陽曬到留埋件泳衣痕跡係佢身上，喂大佬，真係好溫馨架啵。

問題係，你知道今晚個PARTY 既另一邊，有兩個機友等緊你組隊打挑戰入dark zone。你同條女卿卿我我玩波波個陣，佢地兩個已經係俄國大使館被門口班黃色工會會員既菠蘿炸死左N次，已經唔好講敢唔敢入dark zone 刷金。

愛就係取捨。

呢個時候，你會唔會由鳩條女自己碌，而close app 走去開番 the Division 搵機友join game？無得J 住啵，慾火焚身啵，欲罷不能啵？

如果你遇到一個為你唔打DOA 既機友，你先會知道，呢個世界除左HEHE，仲有一堆男人之間係會有愛既。