去日本又鍾意食甜野嘅朋友，應該都曾經幫襯過國內著名 Donut 連鎖店「Mister Donut」，曾幾何時香港都有好多分店，但係而家好似所剩無幾？我自己本身旅居東京，所以「Mister Donut」廉價又飽肚嘅 Donut，經常係我早餐或宵夜之選。
Mister Donut 11 月開始同 Pokemon 聯乘，推出 Pikachu 造型 Donut，幫老任宣傳即將於 11 月 16 日推出嘅 Switch 遊戲《Pokemon Let’s Go Pikachu & 伊貝（ポケットモンスター Let’s Go! ピカチュウ／イーブイ）》。
就咁睇官方圖自然覺得比卡超 Donut 非常可愛像真，但係上面有哂眼耳口鼻嘅 Donut 絕對要人手整，咁唔係機整就好容易出事。你估崩嘅就只有《Detective Pikachu 大電影》？いいえ，我話比你知，實物 Donut 都一樣咁崩！
睇左精靈球先。圓形淨係分顏色，無咩難度，係上面嘅糖衣甜左少少。
呃……
我有一剎那以為我面前隻 Pikachu 比自己嘅十萬伏特電過，但係原來好多店家都係一視同仁，我上 Twitter 一睇，原來同我一樣買到「遭受電擊後的比卡超 Donut」網友比比皆是。不過隨住工多藝熟，明顯見到 Pikachu 終於越黎越似樣了。
＠basao_
＠soromon555
嗯……睇慣咗之後其實又好似無乜野（？）
不過今次聯乘活動很受歡迎，周末日子好多時候旺區店舖好早賣斷市，亦有唔少朋友係為咗要個紙袋同埋盒去買 Donut 的。
ミスタードーナツの紙袋がポケモン。ピカチュウとイーブイ。眺めているとちょっと和んでしまう。#ミスタードーナツ #ピカチュウ #イーブイ #ポケモン pic.twitter.com/i8CLTTR2ao
— ぜろ (@ar1000hb) November 13, 2018
ミスドの箱パッケージ可愛いねぇ?#ミスタードーナツ pic.twitter.com/iccnOvZhI0
— クロえもん (@Chloemon511) November 12, 2018
今次呢個活動即日起去到 2 月份，如果聖誕新年會黎東京玩嘅網友，記得留肚食 Donut 啦，味道還是不錯的。
【官網活動介紹】
中二病廢中，打機會自己講野自己笑，鍾意睇機械人動畫，貓世一。