作為日本歷史悠久嘅遊戲及平台開發商，世嘉（SEGA）一直帶比玩家好多唔同嘅歡樂同回憶；不過，原來日本有唔少年輕玩家，一直認為 SEGA 品牌形象有啲守舊同保守。呢一點我唔認同架，不過人地點諗又好難控制嘅！

然而，我相信連 SEGA 自己都無諗過，近日佢地寄比日本 SHARP Marketing 部嘅一封信，居然大幅地增加了網友對品牌嘅好感。到底佢做左乜野黎？

我地黎睇左信封正面先。而家大部份打工仔都係用電腦書寫架喇，無諗過世嘉出信位同事「字體端正」「筆劃秀麗」，備受網友大讚。不過，真正引起好感嘅並唔係呢一度……

無錯！係喺呢度！就係呢隻隨手畫嘅 Sonic，又代表到 SEGA 之餘，仲為呢封業務用嘅信件多左兩分玩味性質！Sharp 收到呢隻 Sonic 之後都不禁話「世嘉寄啲咩黎比我都已經唔再係重點了，但係我真係好想 Share 呢隻 Sonic！」

セガさんからなんか届いたのですが、そんなことよりセガさんが描くソニックの味わい深さについては、何度だって声を大にしたい。 pic.twitter.com/QBhqKq0Co9

— SHARP シャープ株式会社 (@SHARP_JP) September 26, 2018

呢個 Post 擺上 Twitter 唔夠兩個鐘，已經獲得接近二萬網友讚好，大家仲異口同聲咁話「SEGA 開始識玩了！」咁樣。可能 SEGA 出信位同事今次只係無心插柳柳成蔭，不過今時今日要喺網路上面得到掌聲絕對唔容易，日本好多相關商業近年開始明白「同行唔一定如敵國，互利其實會更有用」嘅道理，先係快餐店之間搞合作，慢慢而家商社之間喺 Twitter 上面都會互動起來，不過可以喺信封度畫公仔玩味咁重嘅事，當然只有遊戲廠商先做得啦（笑）

話時話我真係想知 SEGA 寄左咩比 Sharp 架。唔通係《House of Dead》招待門券？