根據日本經濟新聞報導，任天堂旗下主力電視遊戲主機「Wii U」將於今年內停產，主要原因係對比於前代機種「Wii」來講，Wii U 既銷售狀況欠佳而且任天堂判斷後續既形勢難以挽回。(咁我都有Wii但我無Wii U囉．．．)

而據聞任天堂將會轉而生產神秘既新遊戲主機 NX。咁話說係之前，《日本經濟新聞》曾經準確報導過任天堂尚未宣布既計劃，所以有一定可信性。但內文當中並未提及 NX 會幾時推出，或者任天堂計劃會幾時停止向消費者銷售 Wii U 。不過當其他日本媒體向任天堂求證時，佢地就否認「Wii U」會係今年內停產，並表示「呢個並非本公司發表既消息」、「無停產既計畫」，「下一季度亦會預定持續銷售」，同時反駁 Wii U 銷售不振既講法，表示截至去年底 Wii U 已經賣出 1260 萬部，而《Splatoon漆彈大作戰》賣出 406 萬套、《Super Mario Maker 超級瑪利歐製作大師》賣出 334 萬套。受到暢銷遊戲既影響，導致上個月 Wii U 處於缺貨狀態，並表示而家係供不應求，所以 Wii U 將會持續生產。消息傳出後任天堂股價23日收跌1%。

而任天堂曾經表示，佢地將會係今年底時公佈 NX 情況。而據推測，好有機會會係今年 6 月舉行既 2016 年 E3 上面宣布相關消息。

而早係 2015 年 10 月，《華爾街日報》就報導，任天堂已經開始向某部份開發者發送軟體開發套件，似乎意味住已經準備好推出 NX。

NX FF圖：