有無諗過如果遭遇意外，全身受重傷，仲要無辦法講到野既情況下，只得一隻手要點同人溝通呢？由獨立開發者 Hubblegum 製作既《Helping Hand》正正就係要面對呢種情況。成隻遊戲玩家淨係可以控制自己既左手，無論對住神父又好，醫生又好，都係靠晒佢，比你又會點玩呢？（乜都比中指唔 Work 架……）
遊戲一開始玩家就已經因為炒車而斷手斷腳，而且仲因講唔到野，淨係得返隻左手可以活動自如。當大家推遊戲時，就自然會有 NPC 過黎同你講野，而我地就要用隻左手擺手勢表達自己想講乜，確定之後就等 NPC 比反應你啦。大家當然可以比中指……但係對住醫生同護士做既話，後果真係自負啦！
除咗醫生之外，仲會有神父黎搵你（唔係就死先黎架咩？），對住神父如果做「ROCK」手勢的話，就會激嬲佢（歐美呢啲地方做呢個手勢代表惡魔對角），激嬲佢的話會搵神「打救你」，所以亂玩的話好快就會有 Bad Ending 迎接你。
仲會有其他奇怪場景
由於遊戲只係操作左手，所以操控上都比較簡單，基本上只係用鍵盤上 1、2、3、4 同 空白鍵就搞掂。暫時呢款小品遊戲只有 Steam 平台，售價 HKD $48。
動漫電玩宅，極愛金田一系列，擅長動作及策略遊戲