一直以黎大家都好鐘意玩一啲互相傷害既遊戲，好似超任年代既《娛樂金魚眼》、《賤兔》，到近期我地都沉迷過一排既《超級雞馬》等等，都係非常講求互相傷害既遊戲。最近就有隻新既潛力 Game《Headsnatchers》公布，睇黎大家又好快可以同 FD 增進感情啦！
係正式開始遊戲之前，需要自訂角色既「頭」，呢個「頭」將會擔任非常重要既角色，因為係《Headsnatchers》入面，角色既「頭」係可以同身體分離，分離後往往係致勝既關鍵！有時個頭係要黎比人當波踢；有時會比人拎黎入樽；最正係有關係玩逼人跌廁所再再冲廁，非常搞笑！
遊戲內已經預設咗超過一百款頭比你揀，當中仲有《龍珠》、《Gundam》等大家熟悉既角色揀，揀唔啱既仲可以用編輯器自己設計，呢點已經拎晒分！
《Headsnatchers》支援最多 4 人對戰，不過玩法就會因應住地圖既不同而改變，例如上面講過既入樽咁，已知會有 25 張地圖。
《Headsnatchers》而家係 Steam 做緊搶先體驗，HKD $68.4 就有，有興趣玩下低能 Game 既朋友，趁而家有 10% off 試下啦！
動漫電玩宅，極愛金田一系列，擅長動作及策略遊戲