依家我地買 LEGO 一係去 LEGO Certified Store，唔係就相熟有信譽舖頭或者去現時點 In’s Point度同其他人迫下。但係你地又知唔知香港最長久嘅 LEGO 銷售店係邊間？估唔到呢？我唔會開估啦，留返大家去書展留意呢本記錄左香港超過半個世紀嘅 LEGO 文化書籍 – 《香港玩樂高》

由香港樂高迷用戶組  (HKLUG) 會長 曾耀強 (CK) 所編著嘅《香港玩樂高》，除左由 1962 年 LEGO 開始喺香港正式售賣講到今時日點解今年動漫電玩節冇 LEGO 攤位都有寫晒喺呢本書當中。(係啊，今年動漫電玩節係冇 LEGO 攤位啊！)而且當中仲有好多極珍貴嘅舊相同剪報，甚至一啲大家細個玩過嘅經典 LEGO Set 、一啲鮮為人知嘅 LEGO 資訊都有記載喺入面。四百幾頁、字典咁厚嘅資料書，等大家了解 LEGO 喺香港過往嘅足跡，作為一個 LEGO 迷又點可以唔知香港嘅 LEGO 威水史？

國際級LEGO盛事「樂高國際大展(LEGO World Show)」當年都係喺香港舉行架

十年前動漫節嘅LEGO宣傳單張你可能見過拎過

55年前嘅你無見過啦掛？

呢罐奶粉對老一輩嘅LEGO玩家，一定有份好深嘅情意結

《香港玩樂高》除左會喺書展率先發售並且仲有會場優惠價，而且會喺攤位度展出一啲經典 Set 嘅實物同埋香港本地 LEGO 相關嘅宣傳品以及作品，想睇嘅就書展期間(7月18日至7月24日)去 1D-C02攤位啦。