如果有跟開我地 VJGamer 嘅朋友，或者會覺得呢隻《Hand Of Fate 2》熟口熟面；無錯，因為呢隻由 Defiant Development 開發嘅遊戲，喺 2017 年尾已經率先於 Steam 以及 PS4 上面推出，不過由於係細廠獨立遊戲，所以香港玩過嘅朋友唔知多唔多呢？
雖然係咁，不過呢隻以中世紀風作為故事背景嘅《Hand Of Fate 2》其實可玩元素極多，亦非常耐玩；表面上佢係一隻卡牌遊戲，實際操作之後先知每場戰鬥都係要玩家真槍實彈打、係一隻不折不扣嘅動作遊戲黎！如果你對遊戲玩法想有更詳細嘅了解，可以睇返我地編輯部早前嘅《Hand Of Fate 2 遊戲評測》（無故事劇透）。
當時我地試玩嘅同事就話「遊戲用 Switch 玩會更順手」，而家 Switch 用家嘅好消息黎啦，因為呢個 Game 即將於 2018 年 7 月 17 日正式移植 Switch，而 Switch 版更會包括埋 Steam 版上面推出嘅所有 DLC 添！
Switch 版遊戲 Trailer 在這裡：
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。