食雞 Game 出得有如雨後春筍，但係《PUBG》（PlayerUnknown’s Battlegrounds）係 Steam 上面人氣依然名列前茅，當然外掛滿天飛呢樣野都成日比人笑。早前香港團隊 NuclearProductions 就以《PUBG》外掛為題材，主題當然就係圍繞住用外掛用到有如神一般既「神 vs 神」（Hacker vs Hacker）對決啦！

PC 版《PUBG》外掛橫行已經係常識，外掛既強大功能包括快速移動、自動爆頭、瞬間移動、舞空術等等，一般玩家對住呢啲「神」，除咗講粗口之外就真係得個嬲字。NuclearProductions 以外掛對決為題材，當中種種畫面相信有玩開隻 Game 既都會識笑，最後 Ending 果 Part 簡直係神來之筆添！

PC 版《PUBG》現階段雖然有去捉外掛，但係問題仍然存在，「神」級玩家禁之不絕，雖然仲保持到高人氣，但係官方再唔加多把勁去處理呢個情況，玩家將會持續流失，希望呢條片令大家笑完之後，亦都真正減少外掛玩家，咁樣遊戲先會生存得長久。