世人已經阻止唔到大家對食雞既愛，而家手機版直頭大熱添！但係唔知大家係咪都有同我相同既問題，就係玩手機版既時候，往往發揮唔到自己原有既水準（咦～?個地硬既?），咁當然市面上有好多所謂既「食雞神器」出現，但係又點及得上有實質觸感既傳統手制呢！所以今次我地就搵左隻性價比超高既手制介紹比大家，當然除咗食雞之外，用黎係 Nintendo Switch 上面打網球都係 Fit 到爆既，搵緊手制既朋友就留意啦！！

今次介紹呢隻手制叫做「Blaze Pro Illuminate Controller Pro」，佢支援 Nintendo Switch / PS3 / PC / Android，手制類比設計參考咗 Xbox one 手制，符合人體工學，長時間作戰就啱晒啦。而類比阻力適中，回彈力足夠，用起上黎十分順手，另外手制背面仲有 Turbo 制，連射無難度。

與 Xbox One 手制對比

外型都幾靚仔，仲有二隻顏色揀（黑色／白色），大小適中，重量較PS4手制輕。

類比使用凹陷設計，避免滑手。

如果要係手機上面用，就需要做返簡單既設定，不過就有幾點要留意：

1）需要配合返 Android 手機插口既 OTG 線，簡單直插就可以連接。
2）需要於 Google Play Store下載相關程式（八爪魚），於程式設定完成後進入遊戲，即可使用手制遊玩。
3）當然如果預設按鍵唔啱閣下心水，亦可以去返程式度更改。

如果你話「我都唔食雞既」，唔洗擔心，因為其實個程式唔淨止支援《PUBG》，仲支援好多其他遊戲，例如 MOBA 類既遊戲。
而且最緊要係咩阿？支援咁多平台，都唔洗 $200 有交易啦，唔見跌爛都唔心痛，抵玩到喊！！（旺角電氣良品有售）