早前同大家介紹過《絕體絕命都市 4 Plus》嘅玩法同埋最新遊戲截圖，當大家當既期待又怕受傷害嘅時候，再加上日本大阪早前亦不幸地發生大地震（希望受影響嘅地方同埋人們都快啲復完！），日本網友都曾經出現聲音，話「呢個遊戲係咪又會出唔到呢？」

今次係無事的！

今日較早時份舉行完成嘅《樂天 Books 最速體驗會》入面，大會方面就正式公佈，《絕 4》今年將會正式發售，正式上架日為 10 月 25 日，對應平台為 PS4，遊戲同時對應 PSVR；另外，7  月份遊戲亦會推出試玩版 Demo，各位等咗好耐嘅 Fans 可以止一止渴先啦！

相關文章：
【絕體絕命都市 4 遊戲最新截圖、場景及玩法】