CAPCOM 於 E3 宣佈即將於 2019 年春天推出大作《Devil May Cry 5》，對應平台為 PS4、XBox One、PC Steam。《DMC5》的遊戲監督繼續為伊津野英昭先生（二代開始擔任），並採用《Biohazard 7》的「RE Engine」改良版， 務求畫質表現更精緻，以及將動作流暢度再推上一層樓。

《DMC5》主角繼續為四代的尼祿（ネロ），剪了一頭短髮，望落去大個仔咗噃！遊戲時間設定為「魔劍教團事件」之後數年，城市「Redgrave」發生魔物異變，於是尼祿今次帶同神秘女性武器製造商一齊登場！

喺上集失去咗「惡魔之右腕」嘅尼祿，今集右手就換成極級武器對抗妖魔（件事聽落有少少《鋼鍊》），另外仲會繼續使用「劍＆槍」作為武器。使用「RE Engine」後，官方希望玩家可以 60frps 享受連場戰鬥咁話！

遊戲 Trailer 最後好似有短暫出現但丁嘅身影添！唔知係 Fans service 定係另有安排？呢隻會係我 2019 年必玩之作，想知戰鬥畫面有幾炫麗？馬上同大家去片！