大逃殺遊戲而家越出越多，黎緊差唔多隻隻 Game 都話會有大逃殺模式。不過今次介紹既呢隻大逃殺遊戲就好唔同，因為成隻 Game 係主打弱智搞笑，打慣硬橋硬馬式既食雞，不如試下轉口味玩返隻低 B 版輕鬆下啦！
由獨立遊戲團隊 Landfall 開發既《Totally Accurate Battlegrounds》（簡稱 TABG），係類似《PUBG》既大逃殺遊戲。而 Landfall 呢個團隊專係開發啲極有特式既搞鬼遊戲，好似之前介紹過果隻跳貨車《Clustertruck》、外國評價極高既低 B 戰爭遊戲《Totally Accurate Battle Simulator》等等。今次既《TABG》秉持一貫風格，都係極為搞鬼的。例如開頭跳傘果 Part，黎到《TABG》係無降傘直接跌落地、用狙擊槍因為後座力太勁會比支槍彈飛等等，成件事都好弱智！
《TABG》已經係 6 月 6 日正式於 Steam 上架，而且做緊上架 100 小時內限時免費活動，有興趣既朋友快啲去 DL 先啦！
動漫電玩宅，極愛金田一系列，擅長動作及策略遊戲