當而家手機平台都有得食雞，先後有《PUBG》、《Fortnite》等等大逃殺類遊戲，大受歡迎既 Nintendo Switch 又點會無呢？由 Black Riddles 製作，大逃殺遊戲《Crazy Justice》（狂亂正義）將會係今年第二季正式推出，並且發放一條大約 2分鐘遊玩影片，而呢隻遊戲將會係 Nintendo Switch 上第一隻大逃殺遊戲。

由影片內見到，遊戲並非採用《PUBG》寫實風格，反而係採用類似《Fortnite》偏向卡通既畫風，並且同《Fortnite》一樣有建造元素、場景破壞、無下墜既彈道等元素。另外同眾多大逃殺遊戲唔同，遊戲開始前玩家係需要先自訂技能，似乎仲有分職業專屬技能添！當然技能卡總類繁多，睇黎都有排儲。值得一提既係遊戲除咗基本連線對戰之外，仲會有故事模式，認真誠意十足！

同《Fortnite》類似都係有建造元素

遊戲內有多名英雄選擇

要砌技能，亦即係話有豐富變化

並非只得 PVP，遊戲亦有故事模式

《Crazy Justice》除咗 Nintendo Switch 之外，仲會有埋 Xbox One、PS4 以及 PC Steam 版本，當仲 Nintendo Switch、Xbox One 同 PC 係可以跨平台連線。雖然係多平台，但係 NS 版同其他版本並唔會有差異，並且會支援 NS 既體感操控及 HD 震動功能。

最後順帶一提，除咗《Crazy Justice》之外，外國受歡迎程度已經遠超原版食雞既《Fortnite》亦都傳出會移植到 Nintendo Switch 上面，不過就仲未有任何聲氣，大家不妨操住《Crazy Justice》等啦！