有返咁上下機齡既玩家，唔多唔少都有聽過《毀滅公爵》（Duke Nukem）既大名。呢套咁經典既作品將會改編為真人版電影，並且已經決定由自帶背景音樂既著名 WWE 摔角手主演，and his name is……John Cena！！
《毀滅公爵》電影製片人 Andrew Form 向外媒 CinemaBlend 透露，佢地目前已經決定咗由 John Cena 飾演男主角，同年初既消息不謀而合。不過係訪問當中，Andrew Form 都強調 John Cena 係未睇過劇本的。由於現階段尚未有劇本，所以如果劇本完成之後，John Cena 唔滿意的話仍然係可以退出的，所以之後可能仲有變數。
如果有玩過《毀滅公爵》的話，一定了解到遊戲充斥住大量色情暴力元素，考慮到 John Cena 本身超正面形象，唔做呢套戲亦都大有可能。當然如果成事的話，可能係第一套由頭到尾都見唔到男主角既電影 LOL！
最尾梗係要播下主題曲啦！
VJGamer總編，細細個已經蒲機舖，機齡甚深，熱愛電玩文化。