應該好多玩家都記得 15 年嘅時候， Milan Sekiz呢位玩家搞左套 LEGO 做嘅「強化骨架」，活動性同設計上都係超高質素。

不過當年出完手甲同腳甲之後就冇晒消息，大家都以為佢放棄左呢個 Project 諗住唔搞。點知今日佢喺自己 Flickr 公開左新作品之後仲講左唔係唔搞，只係發現自己唔夠咁多件去整全套出嚟！

佢話如果以自己兩米嘅身高嚟計，起碼都要多 8 到 9 倍嘅組件先可以完成到全套完整嘅「強化骨架」。有網友都問到如果快啲見到完成品想幫手可以幫到啲乜，而 Milan Sekiz都覆大家如果想幫嘅可以寄啲組件比佢用。

當然佢呢年幾兩年都仲有啲類似嘅創作出產過，想睇多啲可以去返佢 Flickr 望下！

Milan Sekiz 個人 Flickr 傳送門