《驚爆危機》呢套野相信唔少朋友都聽過，就算無睇過套野玩機戰都肯定見過宗介啦！今次《驚爆危機》新作《驚爆危機！戰鬥吧 Who Dares Wins》由《超級機器人大戰》系列作團隊「B.B. Studio」進行開發，遊戲玩法當然係戰略模擬角色扮演遊戲啦，今年中就會有得玩啦！

遊戲劇本將由原作者「賀東招二」檢修，並由動畫原班底聲優進行配音演出，知名聲優「茅原實里」亦都會以「娜美」身份演出。

係戰鬥部份原作中既人型兵器「Arm Slave」會好似以前《Front Mission》咁有得自定武器同埋機體各部份零件，零件部位就會簡化為四個部份：頭部、軀幹、手部、腳部。另外根據使用武器既不同，可以破壞既部位亦都會有所不同。

隨住「宗介」、「毛」、「克魯澤」等角色成長，每人都可以學得如恢復HP、提升命中力、提升傷害量等等唔同技能同埋增加能力值，當然仲會有原作動畫入面充滿魄力既必殺技啦！

升LV就有得揀技能

《驚爆危機！戰鬥吧 Who Dares Wins》日文版預計於 5 月 31 日正式發售，而本作亦都會有繁體中文版，不過發售日期未定。

同時會有豪華限定版，將會附送動畫《驚爆危機IV》特別內容製作花絮BD、廣播劇CD、小說、複製簽名迷你劇本以及繪製特別插圖包裝盒，價格11800日元