大家細細個已經玩既《魂斗羅》幾廿年黎都無一隻似樣既新作，黎到 2017年尾竟然會由幾個學生打破呢樣野！黎自加拿大既學生團隊用返紅白機版既《魂斗羅》概念，再用 8星期既時間用Unreal Engine 4 做咗呢隻《魂斗羅 2028》，而且水準仲好高添！
根據製作團隊自己所講，《魂斗羅 2028》學生團隊係屬於 Reboot 既二次創作，而且亦都算係為咗向原版《魂斗羅》致敬。
《魂斗羅 2028》屬於第三身射擊遊戲，大家可以係遊戲內見到《魂斗羅》標誌式既打筋斗跳躍，仲加入咗係地下跣住開槍動作、連續擊殺、線上排行榜等等元素，而且望落去仲有幾分《Gear Of War》既味道，的確係做得幾唔錯！
《魂斗羅 2028》已經係獨立遊戲發行網站 itch.io 開放免費下載，有興趣既朋友可以去下面傳送門度 DL，遊戲只有 PC 版本。
VJGamer總編，細細個已經蒲機舖，機齡甚深，熱愛電玩文化。