呢隻大家都當正佢係新版惡魔城既《Bloodstained》由 2015年集資到而家都未出街，一眾 Fans 已經就黎餓死之際突然間又放咗條最新遊戲研發進度影片，除咗見到畫面極為流暢之外最值得留意既就係片尾出現既敵對角色對戰片段，只可以用精彩黎形容！
今次既敵對角色應該就係之前五十嵐孝司提及過既 Zangetsu，佢同主角 Miriam 屬對立狀態 (可能之後有機會說得？)，係影片見到佢既動作極多元化，要摸熟套路似乎都要死返十零次啦！
有極多種攻擊 / 移動 / 迴避手段
除咗重點頭目戰之外，係影片前段部份見到小怪都會隨住角色既動作而改變射擊角度，比起以往既《月下月下夜想曲》設計得更精細，令人非常期待今次既作品！
一般攻擊係平射
跳起時小卒都會有對空技
《Bloodstained: Ritual of the Night》暫定於 2018年發售，對應平台 PS4 / PSV / Xbox One / NS / PC / OS X / Linux。