《Evangelion 新世紀福音戰士》電影版到底幾時會完？呢件事已經成為一個都市傳說，雖然之前「3.0+1.0」結局篇嘅官網係開咗，不過一日未有上映消息，大家都係唔好期望太多（笑）

唔期待套戲，不如期待下新鞋先？

《EVA》周邊一向出到琳瑯滿目，今次仲同國際著名品牌 New Balance 合作推出作品概念系列，一式四款，代表四位主角。New Balance 嘅鞋有幾舒服、有幾襟用，相信都唔需要我多講！所以呢個將於 2017.09.09 於日本及中國同步上市嘅系列，一定會吸引唔少人購買吧？

首先大家睇下官方定妝照先

睇完官圖大家應該都對角色嘅「配色」有個概念，不過令我比較好奇嘅係，明日香應該係暗紅色，但係實物入面又見唔到有呢個色！以下係實物細部圖：

初號機色（可以理解為真嗣色）

零波麗色

薰薰配色

……咁呢個係明日香色？黑色？好啦 LOL

鞋型好靚啊！顏色唔突兀得黎仲修腳，似乎係中性款噃！

除咗鞋之外，連鞋盒設計都十分用心精細：痴線，呢個係衝擊嘅標誌啊！

就算唔係著，淨係買黎收藏個盒都抵吖

點解我話抵？因為呢對 Collaboration 嘅 New Balance 只係賣大約 USD100 咋！實際售價日本同埋中國應該會略有不同，有興趣嘅朋友，可以於推出當日自己留意吓～

要入手呢款鞋並唔難，我已經為大家搵到網上訂購嘅網址啦！

不過網站而家仲未有購買頁面的，9月9日大家準備好銀包啦～

【購買傳送門按這裡】