自從《Splatoon 2》出咗之後，晚晚都好忙呀！呢邊要 Gundam，嗰邊又有朋友組團射墨魚，唔知睇緊呢篇文嘅你又落咗坑未？係新手 Rank 4，定日練夜練已經上到 Rank 28？

玩過遊戲嘅朋友應該都會認同：果然拎到勁裝備係好緊要，因為唔同裝備嘅技能，絕對會影響玩家場上嘅表現……就算唔夠人打，都要走佬走得夠快吖！

裝備固然可以喺商店買；但係商店好多時要等玩家升 Rank 先會開放新裝備，所以，想多一個途徑拎到勁裝備？咁你就要快啲安裝 Nintendo Switch Online 啦！（支援 iOS 以及 Android）

其實 Nintendo Switch Online 已經推出一段時間，但係我發現仲有唔少玩家係唔知道可以經 App 買裝備的，所以希望呢篇文可以幫到新入坑嘅玩家～

Nintendo Switch Online 目前只支援 Splatoon 2 一個遊戲。

1.安裝 App 之後，輸入你喺 Switch 上面常用嘅 Nintendo Account Log In（我相信大部份人都開日版 AC？）

2.選擇遊戲之後，可以見到你喺遊戲中嘅資料如等級及點數；選購裝備，點選右上角灰色公事包。

3.進入購買版面後，會見到唔同類型裝備；每項裝備於店舖都有時限，裝備左上角的 x時間 ＝ 仲有幾耐呢樣商品會下架。

4.點選你想要嘅裝備，落 Order；每次只可以揀一樣商品，如果揀完唔啱心水，可以 Order 第二樣裝備取代第一次嘅 Order

5.開 Switch 入 Game，去 Lobby 隔離搵呢個單眼仔（必須有網絡連線）

6. 揀最下面嗰項

7.頭先電話落 Order 嘅貨即刻可以入手啦！如果呢一刻唔夠錢，唔緊要，只要你落咗 Order 就無時限，你想幾時買都得

當然我會建議大家入手多技能 Slot 嘅裝備啦，不過如果對自己技術有信心或者重視顏值嘅朋友，當然可以按喜好行事（笑）

有關技能方面又係一個深遠嘅坑，技能如何配搭、如何清洗 Slot 換新技能等方面等等資訊，我地 VJG 成員都仲摸索緊～有機會再同大家分享喔！

最後分享一下巴哈玩家 tony0319(小糸＠メランコリック) 所製作既技能圖