因為大隻佬 Gladiolus（格拉迪歐）個 DLC實在太短……（Gladiolus DLC 感想文按這裡）

所以一開始我都擔心，今次個 DLC 會唔會又係半個鐘就玩完嘅貨仔呢？

當時聽講有朋友覺得「嘩個 DLC 咁短，好唔抵玩啊」所以唔敢買 Season Pass (´・ω・`)

嗱！而家我可以好肯定咁話比大家知：唔駛猶豫啦！課金落去買啦！

同 Gladiolus 線相比，Prompto（普羅恩普特）嘅路線，唔單止喺劇情上豐富好多，連戰鬥方面都襟玩好多。

淨係睇啲場景都知花心機過Gladiolus路線

【盡量唔劇透故事介紹】

故事主線入面，王子一行人喺火車頂同魔導兵戰鬥時，Prompto 失足跌落火車，結果一個人流落於冰天雪地入面。面對住漫天風雪又飢寒交迫，Prompto 唔知好彩定唔好彩，居然比魔導兵發現，佢地仲帶咗 Prompto 返去魔導兵第一製造工場。不過呢一切當然又係帝國宰相兼FF史上最廢 Boss Ardyn（艾汀）嘅陰謀啦 (*ﾟーﾟ)

見你救咗金毛仔，今舖唔打你住！LOL

故事上半部份要操控 Prompto 逃離魔導兵工場，逃離過程當中，仲會透露 Prompto 嘅身世之謎：真相係點我唔講太多啦，不過我見到劇情出現嗰一刻都幾驚訝，同埋我終於明佢喺 Trailer 度點解會喊！

搞到生化危機咁（誤

我盡量唔劇透架啦

下半部份龍騎女 Aranea（艾拉尼亞）會登場 (〃∀〃)

佢受王子受托，一條友衝黎救 Prompto，仲做埋心靈導師幫 Prompto 解開心結！

一直好想睇多啲 Aranea 嘅劇情，御姐大好～

雖然今次登場嘅 Aranea 感覺溫柔咗好多，不過都仲係好型好萌好可靠！

同埋佢斬敵人一嘢，有效過阿 Prompto 開十槍……orz

「你家下係咪唔走啊？」

Prompto 被龍騎女推倒說教 Play 真係三生有幸

【多變的槍戰模式】

Prompto 路線入面使用嘅武器，一係從敵人身上搶，一係就喺工場入面順手拎（笑）

而喺戰鬥區域入面，基本上隨時都可以拎到至少兩種唔同射程或功用嘅槍。

利用 Cover 接近敵人可以進行刺殺～搶槍

或者文明啲（？）當自己地方咁拎槍

遊戲中可以使用嘅槍械共有四種、另外可裝備閃光彈及近戰用軍刀。

1・標準手槍

射程中等，威力極低，每下發射中間會有一秒硬直；雪地戰時唔知點解威力會勁咗 :0)

但係如果係喺工場入面打魔導兵，用呢枝槍？算罷啦……

唯一優點係：無限子彈。

雪地戰打吓狼都仲得嘅

2・狙擊槍

話哂係 Sniper，敵人一擊爆頭即死！

不過每次得五粒子彈，多雜魚兵時自然派不上用場～

L1 瞄準，R1發射

3・無反動砲

大範圍攻擊用，或者打厚血敵人時都好用，射程極遠；

每枝得三粒子彈，瞄準需要兩秒左右，建議遠距離使用

打大怪時拿拿聲執返板反動砲！

4・機關槍

100連發不是夢，只要你瞄得準（喂）

亦係遊戲入面最易執到＋我最常用嘅槍。

5・閃光彈

可以令敵人有短暫暈眩硬直效果，不過我好少用到…

6・近戰用軍刀

如果一時之間無哂啲勁槍，與其用把標準手槍射豆豆咁射，

我寧願衝埋去用刀直接劈～

近戰傷害力其實都 OK，係攻擊範圍窄啲～不過有機會搶到敵人手上嘅武器。

不過睇咗幾張圖，大家應該都留意到左下角嘅裝備欄得四格！

軍刀、閃光彈以及標準手槍係 Fix 死的，所以另外三種槍砲每次只可以裝備一種，亦唔可以一次過拎定哂儲住咁，所以自己每次要衡量吓想用咩戰術而拎咩武器喔 (ﾟ∀ﾟ)

至於 Prompto 嘅特殊指令（圖中左下角）有三種：

1・Prompto 丟炸彈（消耗一格氣）

2・……同敵人自拍（消耗兩格氣）

3・叫龍騎女出超必（消耗兩格氣）

雖然同敵人自拍好無聊，不過我就算打到得返半條命都仲係經常咁做（掩面）

相信大家都知道主線入面，Prompto 係隨團攝影師（誤）

所以今次 DLC 入面都有針對攝影呢一部份做咗啲 Add On：

可以揀啲相落唔落 Filter…

仲可以揀相機…背景 Prompto 個表情想點？

而遊戲除咗工場入面打魔導兵，最後嘅 Boss 係喺野外用機關砲（？）打的～

樣就勁囉，佢只係厚血，其實中間個 Semi Boss 仲難打過佢。

出咗野外雪地嘅話，如果你唔心急衝主線，其實可以同龍騎女遊下車河～

因為個地圖其實好大，我覺得個 DLC一係就遲啲仲有嘢加，一係就虎頭蛇尾（喂）

如果唔係整咁大個探索 Map 出黎，主線都用唔著一半，做乜啫？

如果唔跟主線行，雪地上兜下圈仲有可能接到啲支線任務！

我目前發現嘅任務有限時競速以及拯救受攻擊小動物兩種。

死唔去衝主線嘅原因，當然就因為係想見多龍騎女一陣啦 T_T

你睇吓幾浪漫

DLC 主線玩完之後睇製作人名單，會同時出現後續畫面～

畫面會提醒返大家「呢一個 DLC 係王子佢地救返 Prompto 之前嘅劇情」咁樣。

不過 Prompto 逃離雪地之後，到底係點樣又比人捉咗，仲要受人虐打呢？

呢一段劇情始終無好好咁交代，有啲可惜。

係咪想出 DLC 第二集？LOL

雖然我知又係呢條友搞鬼架啦……

經歷患難感情更好 (*´▽`*)

一周目之後「VS 龍騎女 Battle」會開放！

但係龍騎女絕對唔係一般難打，佢快得黎打人又痛……

Prompto 得把刀仔同爛鬼槍，就算可以執到 Sniper 或者機關槍，但都仲係比人鞭屍 Play 咁……

我好努力咁唔劇透個故事架啦！

唔知大家睇完會唔會有興趣返去玩呢個 DLC？定係你已經打爆咗呢？(*ﾟ∀ﾟ*)

無玩 DLC 嘅朋友記得睇埋【四眼廚娘 Ignis 最新 DLC Trailer】啊～