如果你由 PS2 年代已經開始有打機，一定有聽過《絕體絕命都市》呢個都市災難求生遊戲系列！故事互動性高，又考驗日常生活智慧，絕對係一時嘅佳作。不過，有留意開 Game News 嘅朋友，應該都聽聞過：原定 2011 年推出嘅《絕體絕命都市 4》，當年日本亦發生咗 311 大地震；考慮到災害者嘅感受，遊戲一直無限延期至今。

咁要繼續玩災難求生，又唔想遊戲劇情勾起受害者痛苦回憶，可以點？

咪索性 超現實 Play 囉！巨型怪獸 ＋ 巨型生物來襲，睇吓你班人類可以點逃生！

《巨影都市》概念圖

故事背景係咁：大家有無睇過 SF 特攝系劇集？見到超人迪加打怪獸時，唔知大家會唔會同我一樣，覺得住喺嗰度附近嘅人好慘？佢地隨手扯斷電欖，一腳踩到地陷，淨係諗到無得上網都覺得世界末日（喂）都未計啲咩漏煤氣火災之類！所以，而家你明點解個遊戲叫《巨影都市》未？LOL

男女主角每個 Chapter 遇上嘅巨影都唔同；至於呢班巨影嘅身份係咩？粒粒都係星黎架！

1 咸蛋超人 vs 扎拉布星人

呢幅圖古早味好濃

都市人通病：仲睇？走啦！

人地一個屎忽坐落黎你就係咁先…

2 哥斯拉 vs 王者基多拉

陸路行唔通，點知連水路都有怪！

3 EVA 初號機 vs 第四使徒

終於係我熟悉嘅嘢！用呢張圖係我私心 w

見到有 EVA 我鐵定會玩

個城市爛哂未？

巨影嘅身份仲未公佈哂架！大家不如黎估吓下一個會係邊個？

就咁睇我覺得有少少似渣古……但如果有渣古，咪即係有高達？！

重點係今次遊戲開發商有 BANDAI 啊！！如果有埋高達出現，呢個遊戲真係不得了！

有最新情報推出的話，我會再同大家跟進喔！

遊戲預計 2017 年 秋天 發售，PS4 平台獨佔。

最後為大家送上 Trailer：

至於大家等咗好耐嘅《絕體絕命都市4Plus -Summer Memories-》，其實官方都唔係無哂聲氣的～

喺 4 月份嘅時候官方宣佈遊戲會對應 PSVR 添！

似乎仲未係完全停止開發狀態 (((ﾟдﾟ)))

不過幾時可以公開發售仲係一個謎……今年已經有《巨影都市》嘅話，我諗最快都要下年。

以下有一段日本玩家分享試玩 VR demo 嘅影片，有興趣嘅朋友可以睇吓 w