雖然《NieR: Automata》中文版 2017.04.26 先正式推出，但係玩咗日文版嘅朋友，應該都會發現遊戲入面留低唔少金坑伏線…即係逼玩家課金嘅坑！例如係世界觀入面嘅幾部神秘電梯，加埋故事入面成日提到嘅「古代遺跡」，一聽就知道佢黎緊仲有幾個 DLC 要出吖！

尋日 SE 社就公佈咗第一發 DLC「3C3C1D119440927」嘅內容……原本以為《Automata》故事咁沉重，SE 會放佢一馬唔惡搞，我會咁諗真係太天真！因為內容居然係＜痛・毆＞ Square Enix 社長 松田洋祐さん 以及 遊戲開發者白金工作室社長 佐藤賢一さん！

松田さん繼上次喺 FF15 出現之後似乎仲未玩夠

佐藤賢一さん

攻擊武器係…自分顏面彈幕Play (´・ω・`)

兩位社長大人將會作為 Boss 喺遊戲裡面嘅鬥技場出現－－無錯！係鬥技場！呢個 DLC 推出同時會解鎖鬥技場，地點而家未肯定，不過我覺得水沒都市巷仔入面嘅神秘電梯好有可能係傳送點。咁可能你會問：喂，我同 SE 無仇口，打佢社長做乜＿？嗱，私怨嘅嘢我唔理，我亦嘗試唔去諗兩位社長到底有幾想比 2B 虐打，不過只要你 KO 佢兩個，就可以得到以下嘅真・特典：前作《NieR：Replicant》服裝（2B、9S、A2用）！並附上實裝後嘅遊戲截圖比大家睇吓。

狂毆 SE 社長 DLC 將於 5月2日 於日本地區首先推出，售價為 1500日元；DLC 除咗打老闆送衫仔之外，仲會跟（1）新遊戲用背景音樂；（2）新戰鬥用配件，例如可以改變角色造型或髮色；（3）戰鬥用面具；及（4）新增改變敵人彈幕外觀功能。

DLC 成個 Package 內容吸唔吸引就見仁見智，當然我就希望與其 Kuso，不如出啲同劇情有關嘅 DLC 啦！不過隱藏電梯仲有一兩部，大家不妨繼續期待吓佢黎緊仲有咩新搞作！