有得騎馬呢味野我諗個個都知，之不過其實唔只得後入一種方法你又知唔知？捉純色馬又有咩技巧，點樣令到隻馬唔好再郁黎郁去？其實全部都有方法，下面我地一一為你介紹！！
一般既捉法 (慎防有人唔識嘛)
想輕鬆啲既就最好著晒全套靜音裝，忍者村有賣，盛惠 1500 盧比。然後就需要搵野生既馬群啦，一般黎講帶頭果隻能力最強，而純色系既多數能力屬於最高級 (不過得艾波娜係全4星)。搵到目標之後就撳 L3 制踎低慢慢由後方接近 (前面見到你會掉頭走)，埋到身之後撳制，呢個時候得2種可能，一係直接騎到，一係就要你狂撳L制同佢鬥體力，成功之後就可以帶佢返屋企啦。
全套靜音忍者裝
第一步當然要搵到馬群啦 (廢話到呢……)
撳L3 (左邊冬菇撳落去) 踎低慢慢由後面接近
著住靜音裝輕鬆埋身
上馬後瘋狂撳 L制
成功！
誘餌正攻法
拎個蘋果係手先
係目標附近先撳↓制，再撳A 制拋個蘋果出去
隻馬 Feel 到就會自己行過去食
呢個時候正面行埋去都無問題
成功！
馴服咗既馬仔就要騎返去馬房度，登錄咗之後先可以撳 ↓ 制吹口哨召隻馬出黎。同時係馬房度會見到已登錄既馬仔能力值、性格同埋好感度等等。好感度提升主要靠騎緊果陣 Feel 到佢唔受控制果陣撳 L 制安撫佢，成功就會有心心飄出黎。又或者停定果陣餵佢食蘋果，方法同用蘋果引佢一樣，食咗就會見到有心心飄出黎，當好感度去到滿既時候就唔會再唔受控制。
另外馴服純種馬方面，接近方法都係一樣，最大既分別就係騎上馬之後需要大量既體力同佢鬥力。咁唔通要係神殿加體先可以馴到？梗係唔係啦……有樣野叫料理同藥嘛，食咗就會回復體力，呢度列出幾種可以回復體力既料理比大家參考，準備去捉馬啦喂！
回帶相關文章：
【齊齊做富翁】《薩爾達傳說：荒野之息》前期一分鐘激賺一千盧比
VJGamer總編，細細個已經蒲機舖，機齡甚深，熱愛電玩文化。