《星際大戰：最後的絕地武士》(Star Wars: Episode VIII – The Last Jedi) 今年 15/12 就有得睇，全球星戰迷密切期待，官方尋日就公佈最新一集 Star Wars 嘅玩具包裝圖，並宣佈今年1/9就舉行 “Force Friday II”，屆時就公開發售全新星戰玩具 !
包裝圖雖然冇乜劇透，只係見到三大主角，分別係反抗軍皇牌機師 Poe丶上集比 Kylo Ren 斬傷嘅 Finn，同埋以上集結尾裝扮，換咗髮型揸住在激光劍嘅 Ray，唔通 Last Jedi 就係佢? Luke Skywalker 會死!? 以上純屬推測，但有一樣唔駛推測，呢個 1:1 X-Wing 機師頭盔一定一出即買!
呢個 X-Wing 機師頭盔以反抗軍皇牌機師 Poe 所佩帶嘅完全忠實呈現，如果有買過先前同系列嘅 Kylo Ren 及 Storm Trooper 頭盔就知性價比非常好(唔信睇下開箱文)，所以絕對有信心，外形得之餘仲有得玩，頭盔內置發聲裝置，收錄 X-Wing 丶Tie Fighter 等戰鬥音效以及 BB-8 對話聲效，完全係星戰迷夢寐以求嘅X-Wing 機師頭盔 !
發售日未定，售價格約80美金，Shut Up and Take My Money!!!!
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。