高達扭蛋 MOBILE SUIT ENSEMBLE 上年年中喺日本展出嘅時候都有大量玩家期待，事關呢套扭蛋嘅賣點除左可動性高之外就係無限嘅可能性組裝。

最近行街就終於見到香港有 Part 00 同 Part 01 可以扭啦！不過一抽要 $50 ，喺兩彈選擇之下當然安全啲抽 Part 00穩陣啦！話晒兩隻都有野玩，抽 Part 01 抽到武器 Pack 都唔知點算！而幸運地兩抽成功兩隻入手！

 整個組裝過程就用 シャア専用ザク”ルウム戦役Ver”(馬沙專用渣古”魯姆戰役Ver”)示範。

馬沙專用渣古”魯姆戰役Ver”

如大家所見，同平常嘅馬沙專用渣古其實係一樣，但故事當中馬沙經過魯姆戰役成為指揮官後先有角，所以呢個”魯姆戰役Ver“好明顯比個提示大家「下次我實會出隻有角嘅等你買XD」。

腳同大腿部件唔多但係可以做到嘅活動性喺一個扭蛋嚟講算非常唔錯。

上埋氣喉同裙腳，下半身就完成，接住就到胸同手嘅組裝。

加埋個頭同步槍就完成馬沙專用渣古”魯姆戰役Ver”。

之前都講過 MOBILE SUIT ENSEMBLE 呢個系列可動性非常高，咁當然要擺返啲名場面Pose試試佢活動性。

另一隻就係ガンダム”ロールアウトカラー” (高達原廠色版本)

一拍埋一齊就見高達高左半個頭有多但都只係得7cm高，而且唔好睇佢細細隻佢地兩個盾同膊頭嘅水印都非常仔細。

兩隻放埋一齊就除左擺下Pose之外當然可以有無限嘅可能發生XD

合體

呢個只係搞下笑，其實手、腳、背包同頭上嘅窿只要配埋下面嘅組件就可以做到一啲支架去放武器、裝備或者身體部件去創作新MS。

日本有好多玩家都玩到出神入化嘅境界之餘仲有個創意比賽已經開始左到2月19號就完。雖然香港玩家冇機會參加但都上去睇下其他玩家嘅創意。

其他參賽作品傳送門

到下次收到 EX01 FULL ARMOR UNICORN GUNDAM 嘅時候再同大家介紹啦！