由波蘭製作室 Deep Water Studio 製作，係 KickStarter 集資成功既模擬遊戲《UBOOT》出咗最新影片啦，遊戲主要係模擬二戰時期潛艇入面既船員同埋管理佢地，印象中都好似無乜呢類咁樣既沙盒模擬遊戲，都幾值得期待！

隻 Game 基本上集合咗《The Sims》同埋《Fallout Shelter》既部份元素。玩家除咗最基本控制隻船既行動之外，仲需要管理埋潛艇船員，除咗要好似《Fallout Shelter》分配工作比佢地之外，仲要好似《The Sims》咁照顧呢班友既起居飲食甚至心理問題。而所有船員都會有各自性格同祕密，佢地會同你分享下邊個條女靚又或者向你報告，咁你就要細心留意下有無咩異常要解決船員之間既問題啦，而且仲會有機會搵出間碟添！

除咗玩船入面果班友之外，係《UBOOT》既世界你係可以渣住架船去任何地方的，當然你亦都可以跟隨主要任務玩二戰既戰役，同埋去船廠加強你架船既裝備。遊戲將於 2017年推出，PC 限定。