相信大家都知道台場係屹立咗隻 1:1 既 RX-78-2 高達係度，基本上已經成為地標架啦，每年都會有大量聯邦 / 自護準機動戰士駕駛員去朝聖，影完相仲會過埋隔離個高達博覽館度 J埋添。不過要去朝聖動作就要快啦，事關呢部高達係 2017年 3月5日就會撤退啦……。
呢台元祖高達第一次出現於 2009 年高達 30 週年活動，當時擺設咗呢隻 18M 原大高達成 52 日，亦都成為咗活動最吸引人既展品。之後於 2010年7月24日係静岡再次展出，為期半年。今次追加咗「光束軍刀」武裝，仲全身換晒做 RG 版塗裝，並配合 50個發光裝置，同埋一堆噴霧裝置，簡直係 J 到出血。 直到 2012年就正式坐落台場並且開埋個高達博覽館 (G-Front!!)。
靜岡追加咗光劍
之前 Sunrise 方面已經有計劃要係作品誕生 40週年 (2019年) 令到台場隻 1:1 高達「實現二足行走」，有理由相信今次係將部高達入廠修理。希望拎走咗部高達之後可以換部 1:1 紅彗星再唔係 1:1 バルバトス 都好丫…..反正大家新年都準備去旅行，而家唔洗諗去邊啦下話？(或者可以去睇天香二號頂住先 LOL)
VJGamer總編，細細個已經蒲機舖，機齡甚深，熱愛電玩文化。