之前介紹過由 SEGA Games 製作，預定 2017 年 1 月 19 日推出繁體中文版既 PS4 / PS Vita 角色扮演遊戲《蒼き革命のヴァルキュリア》 係即日起將會對外開放 PS4「戰鬥體驗版 Ver.2.0」下載序號申請活動，不過就唔係上 PS Store 度就有得 DL，而係要去下面官方網站連結進行電子報事前登錄先會有既。
本身今次既「戰鬥體驗版 Ver.2.0」係收集咗眾多玩家意見既改良版黎，所以就算之前玩過 TGS 會場入面既 Ver 1.0 版都會有唔同既體驗。咁今次呢個體驗版本身係參加過 TGS 2016 遊戲體驗會又或者係買咗《戰場女武神 Remaster》入面跟果個體驗版先有得玩，但係而家到 11月19號去登錄完就有得玩啦。
咁體驗版既遊戲內容除咗玩到 TGS 會場任務「帝國軍街道上據點強襲任務」之外，仲可以玩到部隊戰「グローツェン 奪回作戰」同埋女武神戰「女武神擊破作戰」三種任務。另外係任務開始前可以選擇出擊角色同買道具，並且可以透過「戰鬥配置盤 (バトルパレット)」自訂咒術等等動作指令。
咁事前登錄除咗有得試玩之外，遊戲正式發售果陣仲會收到 Email 特典下載序號，內容如下：
• 事前登錄限定特典全語音追加劇情 DLC「斷章：契約的戒指」
• 裝備品「ラグナイト：大地隕落 (事前登錄特典特殊規格)」
• 裝備品交換道具「ラグナイト碎片 30 個 (事前登錄特典)」
事前登錄官網傳送門 (登錄期間為即日起至 2017 年 1 月 18 日)
回帶相關文章：
《蒼き革命のヴァルキュリア》最新影片發布 戰鬥畫面好好 Feel
VJGamer總編，細細個已經蒲機舖，機齡甚深，熱愛電玩文化。