真係連我都唔為意，原來係 2013 年推出咗隻橫向動作版既街霸，遊戲係由意大利兩兄弟所組成既 SEEP 所製作，本身佢地兄弟都好鐘意舊 Game，所以佢地亦都偏好 Remake 一啲知名作品，今次既橫向動作版街霸《Fighting Street》就係其中一款啦。不過大家唔好以為隻 Game 就無料到，我試玩過之後感覺唔差，當然操控方面有少少問題，但係創意搭救值得一試！
隻 Game 主要係用街霸一代黎做藍本，但係又會加插返啲 Final Fight 既人物落去，都幾搞野。可以選用既角色得 Ryu 同 Ken，除咗拳腳組合有分別之外，Ryu 係有波動拳而 Ken 就有昇龍拳咁。同一般橫向動作遊戲一樣，先係打卒最後就會見到每關既 Boss。咁登場既 Boss 當然係街霸一代所登場既敵人啦，每隻 Boss 都會有招必殺技，幾有 Heart！
除咗一般既打卒過程之外，製作組仲加入咗避機關、跳坑等等既野。去到中段仲會有少少 RPG 元素，要周圍同人講野觸發事件發生添！
有LV計架隻 Game！過場之後仲會有故事睇添
成隻 Game 簡單得黎不失樂趣，而且遊戲係免費下載架，有興趣既不妨去下面度傳送門度試下啦，遊戲只有 PC 版本。
VJGamer總編，細細個已經蒲機舖，機齡甚深，熱愛電玩文化。