之前我地 PO 果條《Power Rangers恐龍戰隊》既電影 Trailer 有睇過既都相信比佢嚇親 (咁低汁！)，估唔到低處未算低！Bandai Namco 公布呢隻《Mighty Morphin’ Power Rangers: Mega Battle》，終於有新片公開啦，望真下啲畫面……喂我玩緊超任定 PS4 /XB1？
遊戲用美版動畫懷舊風格，舊到小朋友齊打交果隻，採用橫向動作遊戲模式，可以扮演其中一位隊員出戰，而且每位隊員都跟返自己獨有武器同必殺技。咁唔小得既就係每集結尾必出既召喚機械人合體打怪獸環節，而且透過推進遊戲進度同升 LV 將會可以 Unlock 更多角色同埋武器、技能等等。
出場擺 POSE！
合體打 BOSS！
遊戲將於 2017 年 1月推出，支援 4人合作連線，將會有 PS4 / XB 1版本(你無睇錯)……其實出係 3DS 咪算囉……。
最後忍唔住要同大家分享下 IGN User 神回覆
回帶相當文章：
識做一定做紅戰士! Power Rangers 1:1 紅戰士頭盔登場 !
VJGamer總編，細細個已經蒲機舖，機齡甚深，熱愛電玩文化。